Welkom, Besoeker
Welkom, Besoeker

Titel: Griffioene vir die Wen

Deur Ronel Janse van Vuuren
Datum gepubliseer: 17 Desember 2018 Aantal woorde: 248 213 Kere gelees 2

Die skare juig. Almal is geklee in hul span se kleure. Reuse naaldekokers, geverf om by die verskeie spanne se kleure te pas, staan reg om hul span se plek in die wedstryd te merk.

Die hippogriewe proes en gooi hul gesnawelde koppe trots in die lug. Die jeti’s grom; almal klap hul hande oor hul ore. Verskeie magiese wesens is daar om hul streke te verteenwoordig. Selfs die griffioene wat dink dat kompetisies benede hulle is en selde hul beste lewer by sulke geleenthede.

Maar, daar is iets anders omtrent die griffioen paar wat dié jaar deelneem. Hulle lyk… opgewonde.

Hul ondersteuners, geklee in goud en bruin, maak die meeste geraas op die paviljoen. En hulle het ‘n kreet: “Griffioene vir die wen! Griffioene vir die wen!”

Die twee griffioene op die veld lig elkeen ‘n poo ten waai vir die skare.

‘n Hinkypunk val om in skok. Sy lamp beland op ‘n jeti en slaan hom aan die brand. Die jeti skreeu in pyn en trap op ‘n aswang. Die aswang se tong skiet uit en lek die chimera langs haar. Die chimera se verskeie oë draai om in sy drie koppe en hy val neer op die hippogriewe.

Chaos heers soos die skare kreun en protesteer terwyl die mediese spanne mekaar na die veld jaag.

Die griffioene lig hul skouers gelate en staan terug sodat orde geskep kan word en die beseerde wesens versorg kan word.

Ja, hierdie wedstryd gaan anders en opwindend wees.




TEMAS
1 Kommentaar
  1. Anze

    18 Desember 2018

    Pragtig, baie dankie vir jou bydrae tot die Desember 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 82
Kommentaar telling: 264

Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar. My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

Gebruikers Aanlyn

2 Lede, 106 gaste aanlyn

Bydrae Totale