Welkom, Besoeker
Welkom, Besoeker

Titel: GRAFFITI TEEN KOUE MURE

Deur GhwarriegatQueen
Datum gepubliseer: 13 Mei 2019 Aantal woorde: 162 192 Kere gelees 4

GRAFFITI TEEN KOUE MURE

Dis ‘n winterverflenterde fraaiing-nag.
Die donker drup woordeloos teen die koue mure af; en vat ‘n groot sluk van die maan se sluwe liefdespaljas.
Die wind pleeg plagiaat met die nag se wilde monoloog en waai jou buitelyne rou teen my vas. Ek sit onder ‘n kombers wat nie ons s’n is nie.
En ek blaai deur die hartsgraffiti van ‘n ander dag se ongetemde onthou.
Probeer aspris jou naam; jou lyf raaklees tussen die inkwoorde van my lewe.
Sommer net.
Sommer net; want per dalks per ongeluk maak dit jou wees rêrig; vanaand.
Die onthou voel vreemd onder my vingers – seker maar omdat en oordat hulle na jou gesig,
die kontoere van jou lyf verlang.
Maar.
Maar jou wees raak wegverloor binne-in die rou labrinte van ‘n altyd-verby.
….. Vaya Con Dios, my lief.

Kyk mooi na jouself, liewe Bokkie my babie, en mag jou wees vandag Slowdance op die soom van ‘n droom.
©Liza Daniells




TEMAS
2 Kommentaar
  1. Kiekies

    13 Mei 2019

    Ai dit voel so treurig!

  2. GhwarriegatQueen

    19 Mei 2019

    Dankie vir jou meelewing. Saggies doedoe vanaand, laf joe ☕🌹💝

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 64
Kommentaar telling: 20

Vergun my net so n skeutjie se agtergrond; seblief - Ek sal dit kort hou. Ek was vir 26 jaar (van ouderdom 8 jaar) vasgevang in prostitusie, delms, satanisme; ens. Ek sal jou nie opsaal met die detail nie. Ek is nou al 21 jaar deur God se genade vrygemaak van daai boeie van die verlede; maar ek ervaar steeds baie vervolging en verwerping van kerk en Establishment. En - verloor om n laaang storie kort te maak, ek het net mooi ALS - letterlik en figuurlik verloor. Hoeveel maal in die winter moes ek fisies op straat slaap; enne is nou een keer gegangrape......nou sit ek met serviks kanker. Maar dis nie die punt nie. Nie nou nie, in elk geval. Ek wil nie chemo of n hospitaalbed he nie. Ek wil weer die seesand onder my voete voel; die see sien. Ek is onherroeplik mal vir die see; vir mooi, ou Kaapland. Ek wil waag om te glo in die gebeur van n wonderwerk. Weer geluk vind; liefde. Ek wil LEWE!!!

Gebruikers Aanlyn

2 Lede, 108 gaste aanlyn

Bydrae Totale