Welkom, Besoeker
Welkom, Besoeker
Taal waarskuwing*

Titel: God maak nie foute nie.

Deur Johnell
Datum gepubliseer: 13 Maart 2019 Aantal woorde: 296 138 Kere gelees 4

Die afgelope paar dae was ek hartseer, seer en verward. Ek het al agtergekom dat dit is hoe ek voel wanneer ek myself in twyfel trek en die vertroue wat ek in myself het verloor.
Gevolglik wil ’n mens dan groter beheer uitoefen —oor die situasies waarin jy jouself bevind én die mense om jou.
En jy bid. Jy bid elke keer as jy jou oë knip en elke oomblik wat jy ’n paar sekondes vir jouself het. Maar tussen die bid en beheer vergeet jy een belangrike ding. Vertroue. Vertroue in jou Skepper, en vertroue dat dit waarmee Hy besig is reg en goed is.
En hoe moeilik is dit nie? Om net oor te gee en te vertrou.
Maar vanoggend toe ek wakker word tref dit my:
Die Here maak nie foute nie.
Dat ek hier is, is nie ’n fout nie. Wat ek is, is nie ’n fout nie. Elke aspek van my lewe is bedoel. Ek is hier vir ’n rede. En daarom mag ek selfvertroue hê. Daarom mag ek opstaan en dankbaar wees vir die hier en die nou. Daarom mag ek gerus wees en vrede ondervind. En daarom móét ek met oorgawe my dagtake verrig.
dit was net logies dat die volgende besef hierop sal volg: Die mense in my lewe is ook nie ’n fout nie; nie my familie, vriende, kennisse of enige ander persoon naby my nie. En dalk is baie van hulle nie permanent nie, maar dit is ook foutloos want dit is hoe God dit bedoel het.
En toe het ek berusting.
Ek werk en ek beplan vir die toekoms maar ek lewe in die nóú. God maak nie foute nie en daarom kan ek op Hom vertrou. Hy sal álles ten goede laat meewerk.




  • TEMAS
    3 Kommentaar
    1. Anze

      Maart 13, 2019

      Wat ‘n positiewe skrywe! Welkom Johnell en mag ons nog vele skryfsels uit jou pen geniet

    2. Kiekies

      Maart 13, 2019

      Jip, God plaas nie die moeilikhede in ons lewe nie, maar Hy gebruik dit ten goede vir ons.

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 13
    Kommentaar telling: 4

    Onderwyseres in Afrikaans

    Gebruikers Aanlyn

    0 Lid, 2,808 gaste aanlyn

    Bydrae Totale