Welkom, Besoeker
Welkom, Besoeker

Titel: Gister se kleure

Deur Carin Marais
Datum gepubliseer: 4 Mei 2016 Aantal woorde: 207 965 Kere gelees 4

Gister is die kleur van ’n ou foto. Die eerste teken van jou liefde is wit wolke aan die begin van lente. My liefde vir jou is ’n dieprooi roos. My geskenke en blomme aan jou is ’n pouveer se reënboog. Ons eerste soen is helder sonlig.

Ontrouheid is die kleur van roet op glas. Dieselfde roet wat alles wat ek sien nou verkleur.

Verdofte liefde is ’n veerwolk se wit wat donderstormgrys word. My hartseer se kleur is bloedrooi. Hoop vir liefde se terugkeer is die kleur van ’n kersvlam. Die kleur van woorde wat uit woede geskree word is goue en blou weerlig. Totsiens is brandende teer wat woorde en trane in my keel wurg. Die mes van jou woorde wat binne-in my kolk is silwer.

’n Silwer dolk wat steek.
’n Gesteekte hart wat huil.
Rooi bloed wat drup.

Die kleur van jou nuwe liefde is die pers van gekneusde vel. My woede en jaloesie is sieklike geelgroen gal. Maaiers en verrotte, swart tande is sy snedige uitdrukking. Want hy weet van my pyn. My wanhoop is die rooi van droë beesbloed. Die laaste groet is die stad se besoedelde naglug.

Gister se gebroke liefde is ’n dowwe foto in ’n laai weggesteek.




TEMAS
8 Kommentaar
  1. Anze

    4 Mei 2016

    eina!! Diep-seer en tog mooi die kleure van emosies beskryf

    • Carin Marais

      5 Mei 2016

      Dankie! Ek het dit nogal geniet om hierdie stuk te skryf al is dit so donker!

  2. Evelyn van der Merwe

    4 Mei 2016

    Sjoe, agressie en teleurstelling goed hier met kleur uitgebeeld.

  3. Koekekranka

    6 Mei 2016

    Inderdaad ‘n mengelmoes van emosies hier geklad en bekleur! Deksels oorspronklik en verfrissend meskien juis as gevolg van die ligspel van die liefde wat uiteindelik verdof in jou slotreëls?

  4. Kiekies

    23 Mei 2016

    Uitstekend en baie slim gedoen!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 26
Kommentaar telling: 42

Carin Marais skryf vonkfiksie, kortverhale en rubrieke en is tans besig met haar eerste roman.  Haar blog kan gelees word by www.maraiscarin,com Volg haar op Twitter by @CarinMarais of Instagram by @CarinMarais1

Gebruikers Aanlyn

2 Lede, 49 gaste aanlyn

Bydrae Totale