Welkom, Besoeker
Welkom, Besoeker

Titel: Genadegroei

Deur Jessica Venter
Datum gepubliseer: 5 November 2019 Aantal woorde: 174 17 Kere gelees 1

daar is niks so lekker
soos kuiers
langs die bosveld vuur
terwyl die bosveld se Afrikaritme
sy melodie speel
maar my hartklop
ewenaar die deinings van die see
waar ek vry kan asemhaal
dis in die natuur
waar ek my Hemelse Pa
se grootheid so sterk ervaar
in elke seisoen
sien ek hoe Sy hand beweeg
selfs in die genade
van elke sonsopkoms

as my woefkinders saans
hul warm lyfies teen my opkrul
en al ons weeshonde
ons lewens vervolmaak
wens ek dat ek meer kan doen
mens kan nie almal red nie
en al breek my hart
vir elke verwaarloosde dier
probeer ek met my stukkie
‘n verskil maak

uit my jare se seerkry
het ek my toegekokon
vir beskerming
van depressie
tot vreugde
breek ek vlinder vry
en leer jou liefde my
om tog die sagte sexy
e-r-o-t-i-e-s-e kant
van mekaar te geniet
want dit maak nie meer seer

die groei
in my lewe
is als uit genade
want uit die stukkies van my lewe
kan God ‘n meesterstuk skep

©Jessica Venter
4/11/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 89
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

4 Lede, 76 gaste aanlyn

Bydrae Totale