Welkom, Besoeker
Welkom, Besoeker
Taal waarskuwing*

Titel: Genade-dans

Deur Seirdna
Datum gepubliseer: 19 Desember 2019 Aantal woorde: 67 204 Kere gelees 3

Genade-dans

Het jy ook vandag
die reën geruik;
die blomme sien dans
in die hemel se glans?

Het jy ook vanaand
die stilte gewaar;
die maan sien skyn
oor n sterre-tuin?

Dan het jy ook seker
n storie gaan haal,
van liefde wat hunker
en n prys kom betaal!

Dan het jy miskien ook
die wete gewis,
dat die dans van die lewe
n genade-guns is!




TEMAS
5 Kommentaar
  1. morne du preez

    20 Desember 2019

    Ja Andries ek sal daai dans nooit vergeet dit is diep ingekalwe binne my.
    Goed gepen.

  2. Anze

    20 Desember 2019

    Pragtig, baie dankie vir jou bydrae tot die Desember 2019 projek – Dans asof niemand sien nie

  3. Marsofine

    21 Desember 2019

    Wat ‘n pragtige vers met soveel waarheid in.

  4. Seirdna

    23 Desember 2019

    Dankie Morne!

  5. Seirdna

    23 Desember 2019

    Dankie Marsofine.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 31
Kommentaar telling: 66

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

0 Lid, 68 gaste aanlyn

Bydrae Totale