Welkom, Besoeker
Welkom, Besoeker

Titel: Feëtjies se sterlig dans

Deur Taai
Datum gepubliseer: 27 Desember 2019 Aantal woorde: 149 92 Kere gelees 2

Sjuut! … volg my stilletjies
kom saggies op jul toontjies
ons gaan vanaand gou loer
waar feëtjies, hul danse uitvoer

kyk … daar skyn ’n floue lig
hul dans by ons waterkuil met sterlig
sjuutjies op jul tone nou
anders verdwyn hul soos wind se fluister gou

di li di li dal … di li di li dal
kyk hoe dans hul op ‘n wal
op klein, kleiner, kleinste voetjies
huppel hul ewe rats in silwer skoentjies

hoor hoe sing hul al
di li di li dal … di li di li dal
dansend met spinnerak-vlerke
onder maanskyn se lig merke

ritmies dans plante saam oraloor
onder sagte towermusiek bekoor
en gee wit asters pretritte gou
vir alle feëtjies binne in druppels dou

ek wonder waar hul woon
waar rus hul sag bedags so skoon
maar haas moet ons weer terugkeer
want ou Klaas Vakie soek ons al weer.

© Taai Bonthuys




TEMAS
1 Kommentaar
  1. Anze

    28 Desember 2019

    Pragtig, baie dankie vir jou bydrae tot die Desember 2019 projek – Dans asof niemand sien nie

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 37
Kommentaar telling: 1

Digter, Skrywer en professionele rekenmeester.

Gebruikers Aanlyn

0 Lid, 53 gaste aanlyn

Bydrae Totale