Welkom, Besoeker
Welkom, Besoeker

Titel: en ek proe…

Deur Koekekranka
Datum gepubliseer: 11 Julie 2016 Aantal woorde: 150 832 Kere gelees 7

In sonligskynsel swymel ek
saam met somervlinders
wat swewend-saggiesstrelend
met suiwer sonligdou
kaleidoskopies kleure mat
terwyl die son frambroosvergroot
gunter agter vlootblouberge sak
en windswawels laag oor gras
en keur van kleur vir laas’ nog jag
eer die kim die son se strale snuit

Die vlindertjies het hul alreeds
aan skeut van fynbos vasgeheg
met bonte vlerkies toegevou
om rustig eenkant ongestoord
‘n koele slapie in te werk
en die wind haal rustig asem
as die aandster dofvêr blink
in die taan van die opslaangloed
as voorafskaduwing van nag
wanneer die melkweg sigbaar word

Net soos uit duisternis die lig
die Sewester en Oríon
bou Hý wat allerheilig loop
Sy solders in die hemelsfeer
om water oor die aard’ te giet
en naak van siel kyk ek omhoog
aanskou ‘n groter heerlikheid
ervaar in sien die wonderruim
glesloos geskape deur ‘Ek Is’
en proe hoe smaak die ewigheid




TEMAS
6 Kommentaar
  1. Kiekies

    11 Julie 2016

    Uit-bloemieng-muntende slot vir ‘n puik gedig!

  2. Anze

    11 Julie 2016

    sjoe ek staan stil voor die grootsheid van hierdie gedig!!!!!

  3. neels

    11 Julie 2016

    Pragwerk afgerond met n pragfoto wat beslis tien goue sterre verdien

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 90
Kommentaar telling: 458

Gebruikers Aanlyn

4 Lede, 72 gaste aanlyn

Bydrae Totale