Welkom, Besoeker
Welkom, Besoeker

Titel: Elegie aan Carma Shaw

Deur Woordsmous
Datum gepubliseer: 25 September 2020 Aantal woorde: 122 51 Kere gelees 2

Soos ‘n gewonde duif was sy
wat bewe in haar seerkry en haar vrees
die ongenooide bitter gas
wat stadig homself versadig aan haar vlees
en sy, die een met liefde in haar hart
en soveel deernis vir haar liefde in sy smart,
wat moedig veg en beur vir nog een oomblik,
nog ‘n skansing teen die treur
het toe oplaas die veldslag moes verloor
die laaste pynrivier wat sy moes oor
maar aan die oorkant op die wal
het Hy vir haar gewag soos Hy belowe het Hy sal
en sy, nou ewig sonder las van vrees,
in nuwe ligaam, volkome pynloos en genees,
oplaas haar vlerke sprei en op die wieke van Sy wind
nou waarlik arend wees…

©Anton Bosch 13/09/2020




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 118
Kommentaar telling: 42

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

0 Lid, 91 gaste aanlyn

Bydrae Totale