Welkom, Besoeker
Welkom, Besoeker
Taal waarskuwing*

Titel: Ekkerigheid

Deur Theresa Postma
Datum gepubliseer: 14 Desember 2019 Aantal woorde: 166 161 Kere gelees Hou van

Brons 170 woorde

Ek lees die woord raak in een van Berdéhand Brand se gedigte. Ekkerigheid. Oombliklik kom ek tot ʼn skokkende besef. Ekkerigheid is ook die ongedurigheid binne my, die afsondering, die rusteloosheid wat nie wyk wil kry nie. Dit lê soos ʼn stuk klipperaarde tussen my en Abba Vader. En ek val op die grond. “Here,” pleit ek, “vergewe my”. Ek het my geesdrif verloor, met die swaarkry-tyd verstrengel geraak. My oë op die pyn gerig. Alles gaan oor my, nie meer God nie.
Dié woord bring ʼn kopskuif, en daarna kalmte. Die plek waar ek myself bevind het mag miskien ‘n geestelike niemandsland wees, maar my Here kén my. Hy het nooit van my vergeet in die seer stiltes nie. Dinge werk uit soos dit moet. “Kyk, Ek maak alles nuut.”
My hart is versterk. En ek dans op die lied van Sy liefde, ek dans soos ʼn steenbok in ʼn haak-en-steek-savanne, soos ʼn klipblom tussen die krake van ʼn rotshang. Ek dans en dans soos ʼn bateleur teen bergbloutes.




TEMAS
1 Kommentaar
  1. Anze

    14 Desember 2019

    Pragtig, baie dankie vir jou bydrae tot die Desember 2019 projek – Dans asof niemand sien nie

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 5
Kommentaar telling: 2

Tans is ek 'n praktiserende prokureur te Pretoria wat in skuldberadingsake spesialiseer. Gedurende 2019 woon ek die ATKV skryfskool te NWU by. Verder is ek net 'n persoon met 'n liefde vir Afrikaans en woorde.

Gebruikers Aanlyn

0 Lid, 49 gaste aanlyn

Bydrae Totale