Welkom, Besoeker
Welkom, Besoeker
Taal waarskuwing*

Titel: EK IS – (goud)

Deur Caren Kearley
Datum gepubliseer: 29 Julie 2020 Aantal woorde: 92 162 Kere gelees 6

Ek is die seemeeu; speels in die wind
ek is die brander wat met laagwater hoog wil vlieg
en soms is ek die klank van jou stem

ek is die aand saam met jou onder die palms
toe ons nog kon lag en borrelhartig baljaar

maar vanaand is ek die stilte in jou gister
se suisende sloep-sliep ure
in die voorsekondes toe jy
vir die laaste keer
jou warm lippe om myne kon vou
en die eb en vloed van ons drome
tydloos oor oop strande kon spoel.

© Caren Kearley
Kopiereg Voorbehou




TEMAS
3 Kommentaar
  1. Driekie

    30 Julie 2020

    Sjoe, Carin, hierdie is besonders

  2. Anze

    30 Julie 2020

    Pragtig, baie dankie vir jou bydrae tot die Julie 2020 – Klanknabootsing projek

  3. Caren Kearley

    5 Augustus 2020

    Baie dankie vir jul kosbare komplimente.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 158
Kommentaar telling: 28

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Gebruikers Aanlyn

2 Lede, 90 gaste aanlyn

Bydrae Totale