Welkom, Besoeker
Welkom, Besoeker
Taal waarskuwing*

Titel: Ek dink (Opdrag 8)

Deur Caren Kearley
Datum gepubliseer: 30 Augustus 2018 Aantal woorde: 212 314 Kere gelees 1

Nimfoleptiese digvorm

Die Nimfoleptiese digvorm het in die digtershart ontstaan. Spesifiek in die geskiedkundige dorpie Wellington in ongeveer 2014. Die dorp is ryk aan skrywers uit alle era’s en almal met uiteenlopende agtergronde. Tussen Breyten en Adam se stemme moet die digter dink en skryf oor iets wat sy muse aanhits. Caren Kearley het hierdie nimfoleptiese versvorm ingespan om uitdrukking te gee aan haar natuurlike drang om te dig. Die tema is om ‘n buitensporige geesdrif of begeerte vir die onbereikbare in die stylvorm te beskryf, wat die leser emosioneel aanraak. Die titel van die gedig moet wees: “Ek dink.” Dit moet intertekstueel handel oor die digter se begeerte om te skryf, mag nie meer as twaalf versreëls hê nie en die eerste en laaste vers moet presies dieselfde wees. In versreël nommer 8 moet die nimfoleptiese gedagte verwoord word, met ander woorde, die onbereikbare moet beskryf word.

Ek dink

Ek dink net wilde woorde uit
elke uur van die dag
soos prentjies teen die muur
met snot en trane besmeer
die varnish-laag lê binne;
die titels hang in kringe
waar hul dink hul hoort
(en mense lees dit)
terwyl vismotte gate vreet
deur gedagtes en gedaantes
van toentertyd tot hier, en
ek dink net wilde woorde uit.

© 2018 Caren Kearley
Kopiereg voorbehou




TEMAS
5 Kommentaar
  1. Anze

    30 Augustus 2018

    Pragtig, dankie vir jou deelname aan die Pendoring 2 / INK kompetisie

  2. Callie Vermeulen

    30 Augustus 2018

    Pragtig Caren.

  3. Loretta Szikra

    31 Augustus 2018

    En jou wilde woorde mag maar gesien en gelees word. ☺

  4. Driekie

    31 Augustus 2018

    Baie goed en mooi stukkie werk hierdie.

  5. Elroux

    31 Augustus 2018

    ‘n prag skepping Caren.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 146
Kommentaar telling: 27

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Gebruikers Aanlyn

1 Lid, 96 gaste aanlyn

Bydrae Totale