Eggo’s in rooi
waar verpletterende klanke
in doodse stilte weergalm
eggo lapmure verdoemend
onder die kletterklanke
van onsigbare
braille letters
verlorenheid word
teen haar siel afgeets
as woordswepe
met doringdraad gevleg word
staan sy moedverlore
agter bloedrooi lyne
van mensgemaakte gordyne
waar sy vir uitkoms veg
dit is dan die donker stilte
van ‘n onregverdige lewe
wat haar laaste poging
tot ‘n skewe glimlag
ru wegsteel
nou sal sy haar finale asem
met die sesvoet diep
reuk –
van rooigrond deel
© Anzé Bezuidenhout
Maak 'n opvolg-bydrae
Jy moet aangemeld wees om 'n kommentaar te plaas.