Welkom, Besoeker
Welkom, Besoeker
Taal waarskuwing*

Titel: Effe blind (Silwer)

Deur Seirdna
Datum gepubliseer: 22 Februarie 2021 Aantal woorde: 141 23 Kere gelees 2

Effe blind

die liefde vat ‘n lessenaar
en pak sy laaie reg
gaan sit dan op sy skrywerstoel
en begin vredeswoorde vleg

dit skryf rolle van verbeelding
van die skitter van haar oë
van die kurwes van haar vloei
die lokval van haar lippe
en die lofprys in haar glo
wyk dan af na die natuur
en skryf oor brandvuur oggendsonne
wat oor horisonne gloei

die liefde vaar dan vreesloos in
en skryf ‘n ou verhaal
van nederig wees en eerbetoon
van minsaam wees
met groot geduld
en laat hom sagkens uit
teen selfvoldaan en eiewaan

lankmoedig en geruisloos
skryf die liefde heeldag deur
sinne en sinsnedes
soms met gebare
soos ‘n kind
en as die dag verby is
moet die proeflees eers begin
die nasien verg ‘n nuwe bril

want sien

die liefde is mos
effe blind

A Fourie
(Seirdna)
14.02.2021




TEMAS
3 Kommentaar
  1. Anze

    23 Februarie 2021

    Pragtig, baie dankie vir jou bydrae tot die Februarie 2021 – Liefdes-projek

  2. morne du preez

    23 Februarie 2021

    BRAVO!

  3. Seirdna

    27 Februarie 2021

    Dankie Anze en Morne

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 46
Kommentaar telling: 78

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Historium Trust – Trotse borg van Ink dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

4 Lede, 105 gaste aanlyn

Bydraes – Argief