Een dagbreek, as die lente blom
spit ek pers viooltjies uit my tuin
en dra dit ver, tot in jou erf
om dáár te plant
waar smiddags laat
skadu’s oor jou landskap verf
wie gaan daar,
sal jy dalk wonder
(wyl voëltjies skemeroggend sing)
– dis ek, dis ék
wat blomme na jou akkers bring
en jy sal wis, as jy dit sien
wievandaan dit kom –
so uit my tuin
so uit my hart…
as pers viooltjies vir jou blom
© Carma Shaw
1 September 2019
4:38
Maak 'n opvolg-bydrae
Jy moet aangemeld wees om 'n kommentaar te plaas.