Dryfhout uit die stormsee – Silwer
uitgespoeg op korrelsand
weerloos teen die son
dor verbrand alleen
moeg geveg teen die klotsing
op die rotse en die strand
dryfhout nikswerd stukkende mens
tog kan daar met aandag
uit ‘n kunstenaar se hand
‘n liefdesoffer genereer
sal die uitspoel weggooi dryfhout
in nuutskepping floreer
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Oktober 2020 – OOP-projek