Welkom, Besoeker
Welkom, Besoeker
Taal waarskuwing*

Titel: Draaibos

Deur Theresa Postma
Datum gepubliseer: 28 November 2019 Aantal woorde: 141 82 Kere gelees 2

Laat lente het ‘n draaibos haar takke grondwaarts gebuig
dit opgeswier met trossies bloupienk blom en blink blare
asof sy die lente wou nadertrek, en verlaas bemin –
o, laat my liefde nog één dag wees!

Diep teen die hellings trap haar suiers, oor die vlaktes
verby die skalie tot waar die son afloop;
sy staan in ʼn droom van horisonne, onvoltooide einders.
In die wind ritsel haar bekende swaarsoet geur

soos ʼn sussing, binnekort sal haar stamme bessievrug groei
sal sy met dun, groen lote nuwe mandjies vleg.
My hart, soms probeer ons om ʼn seisoen in die hand te hou
die skoenlappers, die stuifmeel en die bye

maar word ons ouer, ken ons ʼn seisoen se afsterf
die kwynende kleure van laat lente;
en sal ons somer baldadig natlei, die oranje bessies bring.
Die oomblik, my hart, is tog immers al wat ons het.




TEMAS
2 Kommentaar
  1. Anze

    28 November 2019

    Pragtig, baie dankie vir jou bydrae tot die November 2019 projek – Laat-lente

  2. Theresa Postma

    30 November 2019

    Baie dankie, en dankie vir die uitnooi.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 1
Kommentaar telling: 1

Tans is ek 'n praktiserende prokureur te Pretoria wat in skuldberadingsake spesialiseer. Gedurende 2019 woon ek die ATKV skryfskool te NWU by. Verder is ek net 'n persoon met 'n liefde vir Afrikaans en woorde.

Gebruikers Aanlyn

1 Lid, 118 gaste aanlyn

Bydrae Totale