Welkom, Besoeker
Welkom, Besoeker

Titel: Dix-sept (Opdrag 8)

Deur charne
Datum gepubliseer: 27 Augustus 2018 Aantal woorde: 261 279 Kere gelees 3

Die dix-sept is ‘n 17 reël gedig. Dix-sept is nommer 17 in Frans. Die eerste nege reëls gaan oor terneergedruktheid en die volgende agt reëls oor bevryding van iets. 2 reëls (ab) 1 reël (a) 2 reëls (bc) 1 reël (c) 3 reëls (abc) 2 reëls (de) 1reel (d) 2 reëls (ef) 3 reëls (def)
In geheel ababccadcdedefdef. Alliterasie kom voor en beeldspraak word gebruik. Die gedig moet emosies op ‘n ander manier deurgee. (Wie sal ooit die werklike bedoeling van iemand verstaan soos tekeninge teen ‘n rots of gedigte, almal interpreteer dit soos hulle dit sien.)

in grotte teken ek my onthou en geheime
vir die toekoms en gelukkiges om te vind

teen rotse staan die waarheid sal hulle my onthou

vergete emosies in gate gebind
kan mense verstaan wat klippe skree

die kranse eggo vergifnis om alles weg te vee

sal vreemdelinge verstaan wat ek so met klippe toe bou
al die soeke op onbekende paaie my padkaarte verwaai deur die wind
die Suiderkruis kan ook geen rigting gee as wolke die sterre beklee

golwe het oor my gebreek, my siel skoon gewas
eindelik is ek vry die verlede het voor my kom kniel vir vergifnis

my uit die grot op die troon geplaas my geluk spruit uit soos gras

die hartseer harlekyn het plek gemaak vir ‘n koningin met ‘n betekenis
vaag verwronge verlede waai saam die wind weg

‘n Reënboog wat soos ‘n kroon op my kop pas
nuwe betekenis en weg saam die geskiedenis
die stryd is klaar tot in ewigheid geveg
©Charnê Harding




TEMAS
5 Kommentaar
  1. Anze

    27 Augustus 2018

    Pragtig, dankie vir jou deelname aan die Pendoring 2 / INK kompetisie

  2. Callie Vermeulen

    27 Augustus 2018

    Pragtig Charne. Ek hou baie van jou skepping.

  3. charne

    27 Augustus 2018

    Dankie Callie.

  4. Driekie

    27 Augustus 2018

    Baie mooi, Charne, uitstekende konsep.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 19
Kommentaar telling: 36

Gebruikers Aanlyn

2 Lede, 62 gaste aanlyn

Bydrae Totale