Welkom, Besoeker
Welkom, Besoeker

Titel: dis koud

Deur Tearlach
Datum gepubliseer: 12 Junie 2019 Aantal woorde: 132 35 Kere gelees Hou van

die wind sleur my mee vandag
my duin is ‘n fladder van droë blare
dit suis en kreun tussen die duine strate
selfs my fisante vriende hou bek toe en sit stil

koue vloei van wit berge af na benede
soos vloeibare skitter wit gedagtes wat skroei
sover dit deur kloof en dal beweeg tot teen die see
klein wild is ingegrawe onder fynbos takke en bibber

in die wit huisies is daar min beweging
hier en daar teug daar ‘n kaggel rokie regop
selfs die bouers is traag om op steiers te staan
stoom staan soos rokies op oor koue water krane

sonstrale soek gaatjies om deur wolke te skyn
mens en dier soek hoekies om in te skuil teen wind
ver oor die weskus-see kom daar koue fronte aangeseil

©Tearlach




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 549
Kommentaar telling: 75

Gebruikers Aanlyn

0 Lid, 43 gaste aanlyn

Bydrae Totale