Welkom, Besoeker
Welkom, Besoeker
Taal waarskuwing*

Titel: Digterskleure

Deur Seirdna
Datum gepubliseer: 12 Oktober 2019 Aantal woorde: 114 107 Kere gelees 3

Digterskleure

daars ‘n kleur in elke digtersiel
daars n kleur in elke daad
‘n ligter kleur vir liefde
en ‘n donker kleur vir haat

daars n vaalheid aan die more
van ‘n son wat ophou skyn
en ‘n grouheid aan die nadag
van ‘n ou mens aan die kwyn

daars ‘n voorkleur en ‘n nakleur
in alles wat jy doen
wat afhang van jou liefde
en hoe jy jou versoen

die kleure in jou lewe
keer altyd terug na jou
soos die hande van die hemel
wat die heelal vas moet hou

uit ‘n mengelmoes van kleure
soos ‘n skilder met sy kwas
kies jy dan ook jou kleure
wat by jou digkuns pas




TEMAS
4 Kommentaar
  1. Anze

    12 Oktober 2019

    Pragtig, baie dankie vir jou bydrae tot die Oktober 2019 projek – Kleur

  2. Toom

    12 Oktober 2019

    Baie mooi!
    Eindelik ‘n gedig wat ek kan lees, met ordentlike spelling en grammatiek,
    rym en metriek.
    Jy hoef jou waarlik nie te skaam vir korrekte kommas, punte en
    groot- en kleinletters nie.
    Dit verhef jou werk daar waar normaalburgers dit kan verstaan en geniet.
    Andersins goed gedaan!
    Dankie.
    GvT

  3. Seirdna

    12 Oktober 2019

    Dankie Anze

  4. Seirdna

    12 Oktober 2019

    Dankie Toom

    Waardeer jou kompliment en neem kennis van jou aanbeveling!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 16
Kommentaar telling: 23

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

1 Lid, 67 gaste aanlyn

Bydrae Totale