Welkom, Besoeker
Welkom, Besoeker

Titel: Die skande aan my hande

Deur Loretta Szikra
Datum gepubliseer: 31 Maart 2018 Aantal woorde: 116 474 Kere gelees 5

met die pantserlaag om my hart weggeskeur
het jy my vlyend ingetrek
in ń doolhof van leuens vasgekeer

in die prisma van ons liefdesfleur
my siel tot naaktheid oopgevlek
met die pantserlaag om my hart weggeskeur

vals motiewe met illusies van liefde verkleur
my hande met skande bevlek
in ń doolhof van leuens vasgekeer

met waarheid wat honger manifesteer
het verlore drome soos onkruid gevrek
met die pantserlaag om my hart weggeskeur

my hartspad het jý met galsteen geteer
my hartstog met afsku deurtrek
in ń doolhof van leuens vasgekeer

soos die valbyl van fabels jou skerp konfronteer
val realiteit opstandig in plek
in ń doolhof van leuens vasgekeer
met die pantserlaag om my hart weggeskeur

20180331/Pendoring Pret/Villanelle digvorm




TEMAS
2 Kommentaar
  1. Anze

    2 April 2018

    Pragtig, baie dankie vir jou bydrae tot die Maart 2018 – Digkuns projek

  2. Viooltjie

    3 April 2018

    Baie goeie werk, Loretta

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 129
Kommentaar telling: 215

Gebruikers Aanlyn

2 Lede, 80 gaste aanlyn

Bydrae Totale