Welkom, Besoeker
Welkom, Besoeker

Titel: Die Reënboog Rozet (OPDRAG 8)

Deur Driekie
Datum gepubliseer: 27 Augustus 2018 Aantal woorde: 223 312 Kere gelees 5

Die Reënboog Rozet verteenwoordig ‘n unieke digvorm met sy ontstaan uit die hart van Afrika. ‘n Digvorm wat die diversiteit van verskillende kulture weerspieël. Die gedig bestaan basies uit 14 reëls wat opgedeel word in 3 kwatryne met ‘n slot koeplet. Elke strofe het sy eie unieke skryfstyl en rympatroon. Die 1ste strofe het ‘n rympatroon van abab, die 2de strofe ‘n rympatroon van abba en die 3de strofe word in vryvers gedoen, waarna die gedig bymekaargetrek en afgesluit word met ‘n rozet(koeplet) as hoogtepunt. Ten spyte daarvan dat al vier strofes hul eie unieke karakter weerspieël, moet die gedig ‘n geheelbeeld vorm.

My land, my mense

Met tiekiedraai en polkaswaai wil ek eenvoud besing
wydverspreide eggo’s laat uitkring deur murg en been
‘n roepstem rou gekreet oor vlaktes wat saam kan bring
respek en liefde vir eenheid oor geslagte heen

die bo-Kaap sta’ vanaand weer blink gering
oge hemelwaarts bespat met druppels reën
menig’ oorloophart dankbaar, brandend vir seën
oor vreugde wat hul sing en dans in harte bring

aikonna, djy weet mos dan van beter, bra
laat daai gumboots stoftrap tot heuwels dreun
die beeste wei lank reeds toegekraal
wyl mamma’s pap roer oor konkavuur

so verskillend in ons eie denk’ en natuur
‘wyl Afrika se son ieder kop met liefde verduur!

©Driekie Grobler




TEMAS
8 Kommentaar
  1. Callie Vermeulen

    27 Augustus 2018

    Pragtig Driekie. Hou baie van jou skepping.

  2. Driekie

    27 Augustus 2018

    🙂 Baie dankie Callie, waardeer jou kommentaar, was nogal ‘n hoogtepunt laaste opdrag, so reg is my kraal.

  3. Anze

    27 Augustus 2018

    Pragtig, dankie vir jou deelname aan die Pendoring 2 / INK kompetisie

  4. Elroux

    28 Augustus 2018

    So goed gedoen Driekie

  5. Loretta Szikra

    31 Augustus 2018

    Pragtige prentjie geskilder Driekie. Ek hou baie van jou skepping.

    • Driekie

      31 Augustus 2018

      Baie dankie Loretta, waardeer baie jou mooi kommentaar 🙂 Ek dink almal s’n is uniek en pragtig, baie sterk kompetisie voorwaar 🙂

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 32
Kommentaar telling: 128

Gebruikers Aanlyn

1 Lid, 126 gaste aanlyn

Bydrae Totale