Welkom, Besoeker
Welkom, Besoeker

Titel: Die Muur (OPDRAG 8)

Deur Callie Vermeulen
Datum gepubliseer: 27 Augustus 2018 Aantal woorde: 210 306 Kere gelees 3

Nuwe Digvorm: Quindiceòla – ‘n gedig met 15 reëls – 5 strofes van 3 versreëls elk.
(15 = quindici in Italiaans; quinze in Frans)
1. Skryf ‘n gedig, Quindiceòla, met presies 120 woorde – die titel ingesluit.
2. Die titel moet natuurlik invloei/‘n aansluiting vorm, met die eerste versreël.
3. Daar moet emosie/s voorkom in die gedig. (bv. liefde, haat, vreugde, neerslagtigheid)
4. Daar is geen verpligte of vaste rymskema nie – vryevers.
5. In die gedig moet die volgende ten minste een keer voorkom: Parentese, Antitese, Vergelyking, Polisindenton, Onomatopeë, Alliterasie.

Die Muur

strek hoog en breed en vêr
versper my pad en blok my denke
verwar en verstar my hande, my voete

met gebalde vuiste slaan ek in magtelose stadige aksie
teen die spierwit koue laag pleister van waar daar
– van agter die hoë muur – hoonlag en tarting opklink

met geboë hoof, sweet deurdrenk, angs wat soos bloed drup-drup
smeek ek my martelaars om ‘n pad, ‘n opening vir my te maak
my deur te laat; my weg te neem van hierdie martelmuur

waar ek staan, nikssiende – asof geblinddoek voor ‘n vuurpeloton –
wagtend op woorde wreed geuiter…“ek ken hom nie!”
verstote verraai verloën

‘n vuisvoos mens wat sterf keer op keer
geblinddoek gemartel gegesel gestenig
vergeet maar nie vergeef

©callie 2018




TEMAS
12 Kommentaar
  1. Anze

    27 Augustus 2018

    Pragtig, dankie vir jou deelname aan die Pendoring 2 / INK kompetisie

    • Callie Vermeulen

      27 Augustus 2018

      Baie dankie Anze! En so ook vir jou insette regdeur die kompetisie. Ons waardeer dit.

      • Anze

        27 Augustus 2018

        Ai Callie as jy weet hoe ek gebrand het om ook te kon deelneem, besef ek ook baie goed dat ek geen kans tussen julle briljante klomp sou staan nie. Die opdragte was van die begin af baie taai en weldeurdag. Ek moet elke deelnemer gelukwens met die hoe standaard van inskrywings wat geplaas is.

        • Callie Vermeulen

          27 Augustus 2018

          Anze, Ek kou klippe na elke plasing, en nog is dit nie die einde nie. Maar, dit was lekker om weer te kon deelneem en ook die nuwe Pendorings se werke te kon lees. Ek glo jy sal in volgende jaar se kompetisie ‘n deelnemer wees.

  2. Driekie

    27 Augustus 2018

    Sjoe Callie, hier het jy behoorlik uitgehaal en gewys. Pragtig

    • Callie Vermeulen

      27 Augustus 2018

      Baie dankie Driekie. Ek hoop dit bring darem ‘n paar goedkeurende kopknikke – ons sal egter lank moet wag vir die resultate op ons skrywes voor ons kan glimlag (of trane stort). Mooistes vir jou.

  3. Elroux

    28 Augustus 2018

    WOW uitstekend gedoen

    • Callie Vermeulen

      29 Augustus 2018

      Groot dankie Evanthe vir daardie wow. Ek waardeer dit opreg (en jou ‘altyd-saamlees’)

  4. Viooltjie

    29 Augustus 2018

    Goeie werk, Callie ☺

    • Callie Vermeulen

      30 Augustus 2018

      Baie dankie Carma! Waardeer jou gereelde saamlees en kommentare.

  5. Loretta Szikra

    31 Augustus 2018

    Wow Callie, n pragtige sterk emosiebelaaide gedig wat jy baie goed raakgepen het. ☺

    • Callie Vermeulen

      31 Augustus 2018

      Baie dankie Loretta… waardeer jou kommentaar en jou gereelde saamlees opreg. Sterkte vir jou.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 25
Kommentaar telling: 208

Het op skool alreeds begin skryf en 'n liefde vir tale gehad. Gedigte was deel van hierdie groeiperiode. Het toe 'n lang droogte tydperk beleef van etlike jare. Middel 2015 het ek weer die pen opgeneem en ernstiger begin skryf en dig en myself begin uitleef in rym en in woord.

Gebruikers Aanlyn

1 Lid, 73 gaste aanlyn

Bydrae Totale