Welkom, Besoeker
Welkom, Besoeker

Titel: Die Mis (silwer)

Deur Ronel Janse van Vuuren
Datum gepubliseer: 29 Julie 2019 Aantal woorde: 215 87 Kere gelees Hou van

Dit het ons drie dae geduur voordat ons vorms in die mis begin sien het. Alhoewel ek die ander met toorkrag aan my vasgemaak kon voel, kon ek hulle nie sien nie; selfs my eie hande was ‘n wasige gemors – my oë help my glad nie.

Die mis het op ons neergedaal die oomblik toe ons bos vir veld verruil het en het ons sedertdien nie verlaat nie. Ek het geweet dat dit nie natuurlik was nie: ek kon die toorkrag voel waaruit dit bestaan.

“Kyk! Dit is Gladys,” sê Emile, sy stem effens gespanne.

Ek draai na hom, maar kan hom nog steeds nie sien nie. Hoe kan hy hoegenaamd gesigstgrekke sien? So hard as wat ek kyk, kan ek skaars iets uitmaak in die vorms voor ons.

“Nee, dit is Frieda,” stry Jack.

Koue vee oor my. Die klamheid wat nog heeltyd teenwoordig is sedert die dag dat die mis ons gedaal het, is in vergelyking hiermee warm.

“Kom nou, hou aan loop!”

Maar ek kon nie. Die besef het my te laat getref. My hart het amper ophou klop. Met my towerkuns draai ek ons om; almal skree in protes.

“Hardloop!”

Hulle het geen ander keuse as om my magiese opdrag na te kom nie.

En die Nagmerries sit ons agterna.

(214 woorde)




TEMAS
1 Kommentaar
  1. Anze

    30 Julie 2019

    Pragtig, baie dankie vir jou bydrae tot die Julie 2019 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 93
Kommentaar telling: 264

Daagliks skryf ek die stories neer wat in my kop woel. Of dit nou oor olifante en kabouters in die Knysna bos is en of dit oor ‘n tienermeisie is wat die wêreld moet red, ek is daar. My wêreld draai om my twee Rottweilers – hulle leer my om die perfekte dag na te streef, want vandag kan die laaste wees. Die perfekte dag: lag, dink en huil. Om te skryf maak elke dag die perfekte dag. In 2016 EN 2018 was ek ook benoem as Verhaalskrywer van die jaar hier op INK. Ek kan gevolg word op Twitter @miladyronel en meer van my gedagtes kan gevind word op my webtuiste http://www.ronelthemythmaker.com.

Gebruikers Aanlyn

3 Lede, 128 gaste aanlyn

Bydrae Totale