Welkom, Besoeker
Welkom, Besoeker

Titel: Die Melker

Deur Taai
Datum gepubliseer: 23 Desember 2019 Aantal woorde: 113 166 Kere gelees 5

Nog voor die haan se eerste kraai
en daeraad skaam oor die Oosterkim loer
terwyl die res van ons nog sluimer-slaap
onbewus van die dag se woelinge wat roer

getrou is die melker op sy pos
besig om duisende liters wit goud te ontgin
met die ritmiese gedreun van die melkmasjiene
staan die melkkoeie gedienstig en getrou

kom somer, winter, sneeu of reën
geen klagte tuimel oor sy lippe
behalwe vir die karige ontvangstes
wat sy lewe meer kompliseer

maar diep in die wese van die melker
word sy hart se kamers aanskoulik verlig
want dit is sy liefde vir sy melkkudde
wat aan ons ons daaglikse wit goud besorg.

© Taai Bonthuys




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 41
Kommentaar telling: 4

Digter, Skrywer en professionele rekenmeester.

Gebruikers Aanlyn

1 Lid, 45 gaste aanlyn

Bydrae Totale