Welkom, Besoeker
Welkom, Besoeker

Titel: DIE KLAAGLIED VAN ‘N WILGERBOOM

Deur Louie
Datum gepubliseer: 25 Februarie 2016 Aantal woorde: 202 1164 Kere gelees 12

Ek ry vanmiddag weer verby waar jy gister nog in jou rouklaag wintersrok
langs die opgedroogde klipdam koud gestaan het
en wonder wat onder jou skurwe boombas pels deur die nag gebeur het
om jou nou te sien in ‘n gehuurde groen blaar jas in die middagson getooi?

Hoekom lyk jy nou so beswaard mismoedig
en rol jou klaaglied deur die hittegolwe van die oggendson se voelers;
Kan dit wees dat jy jaloers is op die eerste perskeboom se trots spog lente bloeisels
wat soos konfetti gestrooi word om jou klaaglied te vermooi?

Hoekom hang jou takke leepoog aarde toe
terwyl skape soos verlore kapok vlokkies in die groen voer lande staan;
Kan dit wees dat miskien net dalk miskien jy nou ook oud raak
en vergeet het waar om jou groen blaar jas by die Somer te gaan vra?

Ek hoor vanoggend weer jou klaaglied roep
en stap tot by die damwal waar jou wortel are ontbloot lê in die uitgedroogde dam
ek luister na jou klaaglied en skielik klink dit mooi
jy kla nie oor die swaarkry van die Winter nie maar die meulsteen van mooiwees
wat jy vir nog ‘n seisoen deur die dae en nagte saam moet dra…




TEMAS
4 Kommentaar
  1. neels

    26 Februarie 2016

    Hierdie werk van jou is iets besonders

  2. Anze

    26 Februarie 2016

    Hierdie is ongelooflik mooi gepen!

    • Louie

      27 Februarie 2016

      Dankie.. val maar nog oor my woorde. skryf maar soos dit ryp word in my gedagtes

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 101
Kommentaar telling: 105

Gebore by die see, verlief geraak op die berge / platteland en woon nou in die Vrystaat saam met my vrou Charmaine en dogter Katelyn. Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke

Gebruikers Aanlyn

4 Lede, 85 gaste aanlyn

Bydrae Totale