Welkom, Besoeker
Welkom, Besoeker

Titel: die houtbankie

Deur Anze
Datum gepubliseer: 5 November 2019 Aantal woorde: 107 30 Kere gelees 3

naby die houtbankie in die park,
dáár het jy vir my ‘n toorbos geplant
en jou glimlag het die bome laat bot
terwyl die wind uitbundig blare tart

in die duiwe se kir is jou naam gespel
en tussen die boomblare
het die son soos blokkiesglas
geflenter en stom na jou geroep

jou kreukelhande het blind die pad gesoek
na my wat neffens jou in die skadu sit,
ons was mekaar se anker en kompas
wat in elk ander skuiling kon vind

skugter het die bloeisels in jou oë
tot vrug gekom; die geluk het helder
oor jou oumensmond gebreek
waar ons koeksistergevleg sit

© Anzé Bezuidenhout




TEMAS
6 Kommentaar
  1. Marlene Erasmus

    5 November 2019

    Pragtige vers … vol vrede …

  2. Seirdna

    5 November 2019

    Pragtige gedig Anze

  3. Marsofine

    5 November 2019

    Anze, wat ‘n pragtige puik vers.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 239
Kommentaar telling: 2628

Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Gebruikers Aanlyn

3 Lede, 79 gaste aanlyn

Bydrae Totale