Welkom, Besoeker
Welkom, Besoeker

Titel: DIE HELER.

Deur Margaret Cordier
Datum gepubliseer: 27 Mei 2019 Aantal woorde: 121 94 Kere gelees 2

Omdat U neerbuigende goedheid
innig warm in tederheid ontvou
kon U my in hierdie koue nag,
dieper onder U hart in vou.

Omdat U ontklee, in géseling gehoon
wreedheid gely het van ‘n wêreldse verloën,
trek U my nader teen U bors,
en uit gesweepte sielsfonteine
stroom die lewende water
vir my dors.

Omdat U die trane ken
van elke meedoënlose pleit,
wat krete deur die liggaam skeur –
soos korrels wat weerloos bloedbars en versamel in ‘n kuip
haal U my versigtig weer daar uit.

Maar nogtans sal ek jubel
want net U kon in foltering helend bedek,,
stukke van my vlees skielik uit my hart geruk –
en met letsel hande ewig daaroor buk.

MCDb




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 31
Kommentaar telling: 18

Ek bly in die Waterberge en is baie lief vir alle vorme van kuns. Vir my gee die skryf van gedigte; prosa; sketse en dies meer, die geleentheid om my diepste belewenisse en waarnemings neer te pen en te deel met lesers.

Gebruikers Aanlyn

0 Lid, 60 gaste aanlyn

Bydrae Totale