Welkom, Besoeker
Welkom, Besoeker

Titel: DANS OF NIEMAND KYK NIE

Deur Laantie le Roux
Datum gepubliseer: 16 Januarie 2020 Aantal woorde: 239 24 Kere gelees 1

DANS OF NIEMAND KYK NIE

trompetterpienkpronkend basuin Distictis buccinatoria
danstyd aan in my tuin naby Pretoria

kwê sê ‘n geveerde grysaard van bo doen die tango kwê
tussen grenadellakrulle glipgly ek gooi my lyf oor ‘n vrug soos hy dit wil hê
wip-wip dans ek of niemand kyk nie in soetsuursap druppend
stop bo-op my tuinbrug reguit rug

Venesië se water sus een twee drie een twee drie
ek wals saam met Straus verby ‘n ligblou waterstroom ewe vroom
water so koel spoel oor my spierwit hoepelrok
‘n voël spookdans in ‘n hoë boom ek sprei my arms engeldansend en droom

vêr van ‘n swartmamba doen ek die samba
ek dans of niemand kyk nie
bont blomme kondig karnavaltyd aan
kakelaars raas en kwetter ritmies saam

‘n poublom wieg delikaat dramaties in die wind voor die stoep
waar ‘n swartoogtiptol tjir tjir roep
my lyf sweef met ‘n sag kloppende hart
goudgeel sonstrale speel in my hare
ek dans of niemand kyk nie

‘n klein kwikkie met ‘n stokkie verbeel hom hy is Tchaikovsky
veerlig balanseer ‘n speg op ‘n vy saam met my
glimlaggend draai en swaai ek deur my tuin ek sing
ek dans of niemand kyk nie

tussen ballerina blomme punt ek my tone en land iewers tussen stene
dans is in my gene
deur die lewe wil ek aanhou dans of niemand kyk nie

© Laantie le Roux
16/01/2020
05h43

Distictis buccinatoria is ‘n trompetblom




TEMAS
2 Kommentaar
  1. morne du preez

    16 Januarie 2020

    Ek hou van jou speelse effek met woorde in jou gedig ek is rerig mal daar oor maar as ek sou kon kritici lewer sal ek sê ek sou die laaste strofe sny maar dit is nou net ‘n opinie aswel.

  2. Anze

    17 Januarie 2020

    Pragtig, baie dankie vir jou bydrae tot die Januarie 2020 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 5
Kommentaar telling: 1

Gebruikers Aanlyn

1 Lid, 85 gaste aanlyn

Bydrae Totale