Welkom, Besoeker
Welkom, Besoeker

Titel: Bloedmaan en die blues

Deur Viooltjie
Datum gepubliseer: 27 Februarie 2018 Aantal woorde: 139 509 Kere gelees 12

Had ek maar net die woord’ kon vind
om ‘n vers vir jou te skryf
in daardie koue voordaguur,
dan sou ek oor die maan wou praat
– vroeg die oggend –
minute net na vier.

Ek sou jou kon vertel
hoe roes ‘n maan kan rooi
(langs die môrester wat flikkers gooi)
en dat ‘n donker roof
haar wang bedek.

In taal wat rym sou ek verklaar
dat sy daar eensaam hang –
bo Prins Albert se Karoo-landskap
en oor die Gamkakloof se dam.

(O hoe verruk het sy haar wond laat gloei
– waar yl die gras en bossies groei –
oor die eindelose vlaktes
en oor ‘n wolskaap
met haar lam.)

Maar wyl die eeu en stond bepaal
dat sy in stilte sou moes bloei
kon ek – helaas –
geen woorde vind
om in vers vir jou te vloei.

© C. Shaw




TEMAS
2 Kommentaar
  1. Tearlach

    28 Februarie 2018

    Wow! Pragtige gedig Carma

  2. Anze

    28 Februarie 2018

    Pragtig, baie dankie vir jou bydrae tot die Februarie 2018 – Liefdes projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 361
Kommentaar telling: 922

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

1 Lid, 71 gaste aanlyn

Bydrae Totale