Welkom, Besoeker
Welkom, Besoeker

Titel: Bitterbos se blou

Deur Jessica Venter
Datum gepubliseer: 30 Julie 2018 Aantal woorde: 89 555 Kere gelees 8

my hongerhart
het dorstig elke druppel
van jou koue liefde verslind
my siel was deurdrenk
deur jou ysige woorde
wat my soos wind verwaai

maar in die ys van jou beloftes
het krake verskyn
met jou ysgletser woorde
wat diep kepe kerf
het jy my hartskranse toegesneeu
onder jou sneeustorting
was ek vasgeval en verkluim
deurwinter van jou verraad

nou wag ek onder bitterbos se blou
vir ware liefde
om die splinters op te vang
dit met kristalle te vervang
en so my hart
te laat ontdooi

©Jessica Venter
20/7/2018




TEMAS
1 Kommentaar
  1. Anze

    30 Julie 2018

    Pragtig, baie dankie vir jou bydrae tot die Julie 2018 – OOP projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 107
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

2 Lede, 59 gaste aanlyn

Bydrae Totale