Welkom, Besoeker
Welkom, Besoeker

Titel: Biosfeertafereel (opdrag 8)

Deur Viooltjie
Datum gepubliseer: 28 Augustus 2018 Aantal woorde: 134 316 Kere gelees 5

Biosfeertafereel (opdrag 8)

1. Die Biosfeertafereel is ’n ritmiese gedig waarvan die strofes 6 lyne lank is. Enige aantal strofes kan gebruik word.
2. Dit beskryf landskappe en/of gebeure wat met natuurlewe te doen het.
3. Die rymskema is baie spesifiek nl. abcddb
4. Die derde skryflyn van elke strofe moet ’n baie sterk ooreenkoms met mekaar toon.

Gariepdagbreek

Bo die groot Karoo
waar die skadu’s diep
agter donker heuwels, ver
vlug ’n raafswart kraai
met ’n wye draai
en verdwyn oor die Gariep.

As die nag se blou
goud en oker raak
bo die purper heuwels, ver
swerf ’n sekelmaan
in sy wentelbaan
oor skemervelde wat ontwaak.

In die son se vlam
wat oor vlaktes vuur
voor vaalbruin heuwels, ver
rooi die stoppelgras
– wat pas nog duister was –
in die geboorte van die uur.

© Carma Shaw
28 Augustus 2018




TEMAS
9 Kommentaar
  1. Anze

    28 Augustus 2018

    Pragtig, dankie vir jou deelname aan die Pendoring 2 / INK kompetisie

  2. Elroux

    28 Augustus 2018

    WOW goed gedoen Carma

  3. Carin Erasmus

    28 Augustus 2018

    uitstekend!!

  4. Callie Vermeulen

    29 Augustus 2018

    Pragtige gedig en goeie skepping Carma.

  5. Loretta Szikra

    30 Augustus 2018

    Wow Carma, dis prentjie pragtig.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 352
Kommentaar telling: 916

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

2 Lede, 83 gaste aanlyn

Bydrae Totale