Binnevlug

Alleen by die huis
winter somer
eensaam in die donker gange
vol vrees wat nagklanke herstil
in die donker gange
waar alles verdwyn
in die donker gange
met diknag kloue
buite myself
(met bloed op my hande
en vuiste gebal)
stap ek na môre
stap ek verby gister
stap ek ver weg
deur velde vol daisies
wit gevlek
heilig
verby jou
binne myself
vol vrees wat nagklanke herstil
deur die donker gange
vlieg ek laag
ontdek ek myself

© 2019 Caren Kearley
Kopiereg voorbehou

Neologismes: diknag en herstil (weer stil maak)

Ries om die wêreld
Vir André
(deur Ingrid Jonker)

Olyf reise
bome water
jy met jou liggaam van varings
dromend in my arms digby die Seine
met jou liggaam
van wit gewels
met jou liggaam
van bitter son
in Barcelona
(agter die stiergevegte
die siëstas van jou oë
Reise van stilte
reise van mure
reise van marmer
koeplette van klein
hande
woorde
vergaan
maar jý
dromend in water varings en son
in my arms digby die Seine
gaan héén
bevrug die aarde

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag