Jongste aktiwiteit:

Suzette Strydom – Palet
vir

Suzette Strydom – Palet

Lees meer oor Suzette Strydom – Palet

BRONSKLAS

Najaarsblom

2.Wink die skemerskadu’s blink

‘n Najaarsblom
lӗ geberg in die holte van my hand
wat deur die wind
nuwe eilande vind

Waar dit diep in my siel brand
elke gedagte en illusie moet ek inhou
styg en daal
aaneen alleen

Dan kyk ons hoe die bloulip horison
op ‘n spierwit strand
skaam-skaam
in die skemergloed wink

Blink soet, ‘n najaarsblom
op die goue sagte sand, vir jou en my

@Palet

Oktober projek

2.Deur die droogte vermin

Ons bid na die berg
dat die reӗn
die pienk rose
se trane sal kom droog

Net stof dwarrel
om die vlaktes heen
wat droog, dorsend
na water kreun

Wanneer die wind
deur ‘n kierieklapper
se blare terg
verstil die boer se hart
in sy diepe smart

Hy vat sy kind se hand
en voel hoe die reuk
van pienk rose
in sy oӫ brand

@Palet

Augustus 2017 – As die seisoene draai projek

Eervolle vermelding:

Dig en diep

Eenvoudig mooi en sonder skyn
tolbos in die wind
vlindervladder in die lug
sê dit met ‘n soen

So sonder rede
so onverklaarbaar
‘n eenvoudige gebaar van liefde
wanneer lente ontwaak uit die gras

Doeksag het die soet my ontvou
sing sag, my hart
‘n soet refrein.

Palet

April 2018 – Paasfees projek

1.Woorde van goedheid

Wit lyk die lug
hier waar ek staan en kyk
hoe die boompie
se blare verblyk

Hoe hulle afteimel na die grond
hoe die takke yl word
wanneer die stilkoue oor hulle streel
en alles vaal poleer

Uit die smeltkroes van U lyding
bring U vir my genesing
vandag se tydelikheid
is mŏre se werklikheid

Palet

3.Ewige lewe

Vader vergewe hulle
hulle weet nie wat hulle doen
aan U hande gee ek my gees oor,
Ek het my kruis voor U gebring

Die sterwensoomblik van Jesus
enkele minute voor Sy dood
sy liggaam met bloed bevlek
sy hoof met ‘n doringkrans bedek

U is redder en Heer
U hart is sag
So baie liefde wat U gee
U het nooit opgegee

Donker skadu’s hang
Hy voel so bang
maar Hy weet
God is daar om hom te red

Hy het die dood oorwin
opgestaan en opgevaar na die hemel
ons die ewige lewe gegee
vir almal wat in Hom glo
Dit is volbring

Palet

SILWERKLAS

Februarie 2019

3.Sagsif van die uurglas

Skeef en krom
drome van hoeke en hoepels
opgebreek en vertrap
ingesluk, deur koue gulsige branders

Nes ek in my uurglas
spoortjies in die glans
deur die sukkel’gange beur
en massas waarheid van my seer

en saam met die loeiende wind
word ek met nuwe hoop verbind
waar vrae en antwoorde konnekteer
wat my leefwyses reflekteer

Palet

Mei 2019 projek

1.Aalmoes Kardoes

Op Melkbosstrand word die son
se laaste strale uitgemelk
voor die nag strakkies sy aalmoes uithaal
uit ‘n sterreprag kardoes/

Westelangs dans die skemer
in bloeiende vlamme van granaat
en verf bloedgeel vlasse
oor ‘n kobalt obligaat.

Die dag se hart gaan lê
in golwende branders
en ek stamel klankloos
na hierdie grootheid se wonders.

Palet

September 2019 – Verplasings projek

3.’n Verkwikkende ondervinding

Bome bot blomme blom
lente het gekom
oral staan groen gras
uit ‘n dik stoflaag op

Selfs die voëls fluit
met ‘n vrolike fees geluid
lente vou oop soos ‘n nuwe droom
winter-ys gly af van elke boom

Soos toorverf uit die natuur se kwas
skilder hy weer alles prentjiemooi
dit is die allermooiste skildery
vir jou en my

Waar die son koper-geel
op elke nuwe blaar kom lê
wat jou menswees laat borrel
dit is die liefdes en vreugdes,
wat elke moeë siel weer heel

Palet

November 2020 – Samesyn-projek

3.Kort vertoef

Silwer spore in die sand
brand verlange verlate in my hunkerhart
wanneer die wind waai
hier oor ‘n kaapse baai

Dan soek ek jou
in die blousel blou
jy vul my gedagtes met samesyn
waar die maan stil in die verte verskyn

Vir ‘n oomblik is jy sigbaar
en dan sien ek hoe jy weer weggaan
ek fluister sag jou naam
in die broosheid van die stilte aan

Palet

Oktober 2022 – Liriese projek

3.Tydlose trein

Jou tydlose prag,
op jou eenspoor pad
klim jy die steiltes uit
tot jou stoom verdwyn in die sproei van die mis
langs geroeste lyne, van vergete treine.

Suzette Strydom (Palet)

 

 

 

(5)




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed