Welkom, Besoeker
Welkom, Besoeker

Titel: Baardhaar-beloftes

Deur Loretta Szikra
Datum gepubliseer: 19 Augustus 2019 Aantal woorde: 89 56 Kere gelees 1

In die binnekamer
van my woelsieke hart
lê drome aan skerwe gespat,
tussen baardhaar-beloftes
vas teen die wortels
van grashalms ingetrap

In ń hoek eenkant
my siel vasgevang
deur warboel-gedagtes
wat hulpeloos spartel
soos ledemate
sonder verstand;
spartel en baklei ek
ń verbete stryd –
die innige hel in my hart
Skarrel en stry ek
teen spyt en verwyt
wat knaend binne my tart

En êrens in die donker
langs ‘n bitterbessiebos
lê my vergifnis leweloos rond
S T O K S T Y F
potblou om die mond

©Loretta Szikra




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 129
Kommentaar telling: 215

Gebruikers Aanlyn

1 Lid, 145 gaste aanlyn

Bydrae Totale