Welkom, Besoeker
Welkom, Besoeker

Titel: As Die Wals Struikel

Deur Woordsmous
Datum gepubliseer: 22 Augustus 2019 Aantal woorde: 112 97 Kere gelees 1

As die wals sou struikel
in ons liefdesdans
en ‘n hart roep uit
vir ‘n laaste kans
sou die musiek bly vloei
tot ons die ritme vind
as ons aanhou dans
deur die hoop verblind?

Of sou ons oor begin
met ‘n nuwe lied
in geloof dat dié note
ons geluk sou bied?
As die vioolsnaar breek
en die noot word vals
is dit dan die tyd
vir ‘n nuwe wals?

As die klanke stil raak
en ons ophou luister,
as ons voete strompel
in ons hart se duister,
sal onthou genoeg wees
om ‘n nuwe lied te maak
of sal ons ons liefde soos
‘n klaar geleesde boek…
.
.
.
toemaak?

©Anton Bosch 29/07/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 43

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

1 Lid, 128 gaste aanlyn

Bydrae Totale