Jongste aktiwiteit:

Rietfontein

Rietfontein

Vers 1:
Daar is ‘n plek
Waar die hart se seer vergaan
Waar ‘n kind se vrese spoorloos verdwaal
Daar doer in die ou Wes-Transvaal

Vers 2:
Hierdie plek klitsgras
Aan mens se hart
‘n Plek wat die lawaai sus
Met ‘n windpomp se draai

Koor:
Rietfontein, onthou jy my
Na al die jare
Ek het ontvlug daar in jou velde
Ek kon leef net op jou wonderskoon lug

Rietfontein, jy was daar
Soos Sy groot genade
Nes ‘n herder vir sy skaap
Het jy omgesien na my,
Rietfontein

Vers 3:
Daar is ‘n plek
Waar ek BMX spore getrap het
Waar ek hard geval, pleisters gedra het
Waar ‘n plaas ‘n merk op my gemaak het

Vers 4:
By jou ou Rietfontein
Het kommer my adres gou vergeet
Dit was net een asemteug van jou oop lug
Toe’t jy my hart gewen

Herhaal Koor

Sluit af met:
Jy’s altyd deel van my
Rietfontein

André van Wyngaardt©




1 Kommentaar

  • Koos Elsum

    Ai Ai hoe laat jy my aan my Vrystaat kinderdae dink & verlang. Ek wonder of jy al oorwweg het om die liedjies net as gedigte te plaas? Mooi vir my sal luister ook. Ek glo ons leer deur te ander te lees en kommetaar te lewer. Ek het onderneem om ń kommetaar telling teen 10% of beter vd aantal eie plasings te onderhou. Kan ek jou vra om dieselfde te doen en so die Ink ervaring te verryk vir almal.

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed