Welkom, Besoeker
Welkom, Besoeker
Taal waarskuwing*

Titel: 4 uur op die snelweg

Deur Seirdna
Datum gepubliseer: 2 Julie 2020 Aantal woorde: 72 76 Kere gelees 4

die nag is somber swart en koud
die donkermaan se hiperbool
swaai ‘n sekel oor die sand
‘n yswind suis uit hoeke uit
en die snytjank van ‘n jakkals
eggo rillings oor die land

in hierdie vasgestelde uur
soos ‘n mistiese swart slang
wat die dood se engel aansis
lê die snelweg stil en wag
vir die huswa en sy laksman
en die sluipbreek van die dag.

Seirdna (A Fourie)
2020.07.02

(Silwer klas)




TEMAS
7 Kommentaar
  1. Anze

    2 Julie 2020

    Pragtig, baie dankie vir jou bydrae tot die Julie 2020 – Klanknabootsing projek

  2. Viooltjie

    2 Julie 2020

    Goeie werk, Andries. Dit seil soos ’n slang oor sand, sonder moeite.

  3. Seirdna

    2 Julie 2020

    Dankie Viooltjie; hoop nie jy het te bang geword nie…

  4. Seirdna

    2 Julie 2020

    Dankie Anze

  5. Koos Elsum

    2 Julie 2020

    Man dit sal my laat versigtig trap langs dié pad…

  6. morne du preez

    3 Julie 2020

    Goed gedoen Andries ek hou van die verband tussen die snelweg en die dood.

  7. Seirdna

    3 Julie 2020

    Dankie Koos en Morne vir die saamlees

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 32
Kommentaar telling: 67

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

2 Lede, 260 gaste aanlyn

Bydrae Totale