Welkom, Besoeker
Welkom, Besoeker

Titel: 3: MY LEKKERSTE EUROPESE WINTER

Deur Toom
Datum gepubliseer: 3 Junie 2019 Aantal woorde: 262 78 Kere gelees 4

Die winter is n regte man, 3: MY LEKKERSTE EUROPESE WINTER [243 woorde]

­In Europa is die winter, soos bekend, koud. Daar’s niks aan te torring nie: Koud! Soos toe „Opa” hom in die warmtestraler (Engl. Radiator) so erg verbrand het dat die letsels nog ná Nuwejaar te sien was.

Dis nie altyd so koud nie, besonders op die Noord-Duitse vlakte (waar die seestrand van Cuxhaven etlike honderd kilometers tot Gifhorn strek). Toe ons eerste dogtertjie gebore is, het die Queen Elizabeth-roos op die tweede Januarie gebloei. Rêrig, op haar geboortsdag: Oop-ge-bloei! Hulle sê hier, as die sneeu in November kom, bly hy vir die res van die winter weg. Dis dan natuurlik gevaarlik vir die winterkoring want hy begin groei, pleks van onder die sneeukombers winterslaap maak, en kan deur die Februarie-ryp vernietig word.

Die warmste wat ek ooit gehad het, was toe ek in Desember in ‘n metaal container gewoon het, en die sweetdruppels het ploep, ploep en ploep en nogmaal ploep van my ribbe op die laken geval – by 45°. Die jaar toe ek aniekaap was.

Hoe sê? Winter? Maar natuurlik winter! Daar was duidelik op die groot bannier aan die voorhek van die Engelse privaatskool in Constantia te lees: „Ons sien mekaar weer na die wintervakansie op 17. Januarie”

Elkgeval, dit was my lekkerste Europese winter. En daai ystervleesman kon my niks aandoen nie: Sien ek al, tot sy nadeel, geleer hoe om te sweet.

„Der Winter is ein rechter Mann
kernfest und auf die Dauer
Sein Fleisch fühlt sich wie Eisen an
und schmeckt noch suß noch sauer.”




TEMAS
2 Kommentaar
  1. Anze

    4 Junie 2019

    Pragtig, baie dankie vir jou bydrae tot die Junie 2019 projek

  2. Kiekies

    5 Junie 2019

    En om so warm te kry is ook g’n lekker nie!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 196
Kommentaar telling: 193

Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, dagblaaie, biertjies op die stoep en die gans normale daaglikse waansin. Byna vyftig jare woon ek al in Duitsland; eindelik kan gestolde gedagtes, verflenterde notatjies nou uit hul winterslaap wagword. My uitgangspunt is dat die woorde lekker moet proe, glad oor die tong moet rol. Alles wat ek skryf is outobiografies - ek het nie die geld vir die prokureur nie.

Gebruikers Aanlyn

0 Lid, 57 gaste aanlyn

Bydrae Totale