Welkom, Besoeker
Welkom, Besoeker

Titel: 2: MET, OF HEUNINGWYN

Deur Toom
Datum gepubliseer: 3 Junie 2019 Aantal woorde: 254 61 Kere gelees 4

Die winter is n regte man, 2: MET, OF HEUNINGWYN
[245 WOORDE]

Die koudste wat ek ooit gekry het was die Kersfees toe ons kleinkinders met al die besoekooms en -tantes ‘n „sneeuwandeling” gemaak het en die dowwe „Opa” moes saam. „Koud is die windjie en skraal, en daarbuite. . .” En daar­buite kom Opa amper om in die hel, die yshel, die sewende hel, die aller, aller sewendste yshel.

Die trane het in my wimpers saamgevries, my wangbene, vingertoppe, tone, alles wat ‘n bietjie van my lyf afstaan, het afgebreek en gekraak soos wynglasies in ‘n renoster-arena. En terwyl die Duitse familie al sneeubal­werfend, vertellend wat hulle in die jaar beleef het, self na niemand luisterend, met die kinders skertsend, oor die diepvriesvlaktes van die voorhel gekuier-kuier het, het ek huistoe gestruikel en op my knieë vallend, my hande tussen die ribbe van die verhittingsstel [woordeboek] in-ge-druk-so-ver-as-ek-dit-moont-lik-kon. Die hele personaal en slaafhouding saam met aanverwante skoonfamilie, inklusief skoonvrou, kon niks tot belaafnis doen nie, totdat Sofia die briljanteste idee van haar lewe kry: „Met”, warm heuningwyn, met suurlemoen en, van kop tot voet in twintig sentimeterdikke veerbeddens ingewikkel, warm in te neem, daarna Kersfeesgans, warm uit die oond. Het gehelp, maar die parallelstrepe op voorkop en wange het tot na nuwejaar gebly.

Die manne van die Witwatersrand is hard. Ja-ja, weet ons al. Maar ek sê julle, daai man met die ystervlees wat nog soet nog suur is, is héél-wat harder as hierdie Benoni-boytjie. En ook die meeste ander Vaalpense ook nog, skat ek.




TEMAS
2 Kommentaar
  1. Kiekies

    5 Junie 2019

    Brrrrr, ja ek glo jou!!

  2. Ano

    6 Junie 2019

    Ek het al gehoor van hierdie half-warm wyn wat die mense drink om warm te word. En hierdie Vaalpens-Benoni-antie sal nooit waag om dit te spel nie. :-))))

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 196
Kommentaar telling: 193

Wat ek weet, of meen dat ek weet, het ek onder meer op praktiese manier in die klaskamer geleer - aan en van die kinders - ook my belewenisse van konferensies en kongresse, dagblaaie, biertjies op die stoep en die gans normale daaglikse waansin. Byna vyftig jare woon ek al in Duitsland; eindelik kan gestolde gedagtes, verflenterde notatjies nou uit hul winterslaap wagword. My uitgangspunt is dat die woorde lekker moet proe, glad oor die tong moet rol. Alles wat ek skryf is outobiografies - ek het nie die geld vir die prokureur nie.

Gebruikers Aanlyn

0 Lid, 100 gaste aanlyn

Bydrae Totale