Welkom, Besoeker
Welkom, Besoeker

Titel: witwolwense

Deur Elroux
Datum gepubliseer: 6 Julie 2017 Aantal woorde: 175 23 Kere gelees 1

my witwolwense vir my land
my mense
vasgevang in ‘n bol gekoekte wol
iewers is ‘n begin
iewers ‘n einde
‘n tussenin
wat ek nie kan vind

my witwolwense stoot op in my keel
‘n gekweste duif wat ‘n boodskap bring
fladder om-en-om in my mond
witwolwense draai vas om my tong
verstrengel my denke
Here, hoe wens mens witwolwense vir jou mense
as jy oor jou land rou?
as alles swart is rondom jou?

my vasgeplakte tong
probeer die woorde vorm
was ~ ons ~witter ~as ~ sneeu ~ Heer
my tong is lomp en stom
die ~ grootste ~ van ~ alles ~ is ~ die ~ liefde
die woorde skeur deur my
sonder ~ liefde ~ is ~ ek ~ niks
skree dit in my wese
ek ~kan ~ nie ~ meer
Heer vergewe my!

NET U KAN MY BEVRY

my
eindpunt
is
U
beginpunt
wat ek in U gebod vind
“jy moet jou naaste liefhê soos jouself”

DIE WOLDRAAD BREEK IN DUISEND STUKKIES

my wense borrel op in my
laat ons mekaar 77×7 en meer keer vergeef!
jubelwense stort oor warm lippe
val op koue klippe




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 131
    Kommentaar telling: 68

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    0 Lid, 68 gaste aanlyn