Welkom, Besoeker
Welkom, Besoeker

Titel: Winterbreker (Lente projek September 2017)

Deur Koekekranka
Datum gepubliseer: 18 Oktober 2017 Aantal woorde: 127 64 Kere gelees Hou van

Ek is die opbreek van die koue
ná die stille wintergroei,
wat met wonderverf die groue
weer opnuut tot kleur laat bloei.

Ek trippel in my lente-skoentjies
agter verfkwas-feetjies aan;
verby die geur van rooi kalkoentjies
in die skemer van die maan.

En saggies trappend op die grassies
sny kaboutertjies my spoor
na die vaal vergeet-my-nietjies
om weer kleur in hul te toor.

Die aandwind is my tower-perdjie
wat óór die see kan spring
en die reënboog is sy stertjie
te keurvol kleurgestring!

Ek verf die struike, blomme, bome
in kleure alte mooi;
om ook te lewe in julle drome
én die bytjies uit te nooi!

Ja, ek besweer die bitterkoue,
ná die kille Wintergroei;
verdryf met wonderverf die groue
om opnuut tot kleur te bloei.




  • TEMAS
    4 Kommentaar
    1. profiel foto van Anze

      Anze

      September 29, 2017

      Pragtig, baie dankie vir jou bydrae tot die September – Lente projek 

    2. profiel foto van Carla Visser

      Carla Visser

      Oktober 27, 2017

      Hierdie is bitter oulik! 🙂

    3. profiel foto van IronLady

      IronLady

      Desember 11, 2017

      Dit is wondermooi hoe jy beelde met woorde tooi. Wel gedaan!

    Laat u kommentaar

    GESKRYF DEUR
    profiel foto van Koekekranka

    Jy moet ingeteken wees om boodskappe aan hierdie skrywer te kan stuur.

    Publikasies: 89
    Kommentaar telling: 449

    Gebruikers Aanlyn

    0 Lid, 90 gaste aanlyn

    Bydrae Totale