Welkom, Besoeker
Welkom, Besoeker

Titel: winde van verandering

Deur Elroux
Datum gepubliseer: 3 September 2017 Aantal woorde: 136 8 Kere gelees 1

warrelwinde van verandering
maak my ‘n vreemdeling
woeste winde ruk aan my huis se dak
verdraai my gees
ek hoor hoe die jakkalse tjank
die wilde honde snuffel by my deur
vrees maak my dit wat ek nooit wou wees
ek sien groot bome skeur en val
waar daar lewe was is dood
my reënboog-drome wat hoog moes vlieg,
lê leweloos in my skoot
ek wil so graag weer tuis voel
by die vuur sit as ek kon
maar ysige vingers klem om my hart
in die snikhete Afrika son
die son verdof in die sand en die stof
my oë traan en my hart huil saam
met die wind wat woedend om my loei
ek kan my pad nie meer vind
ek het verdwaal soos ‘n kind

Of het my paadjie hier toegewaai?

© Evanthe 2017




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 69

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    2 Lede, 52 gaste aanlyn