Welkom, Besoeker
Welkom, Besoeker

Titel: Wederkoms .

Deur Viooltjie
Datum gepubliseer: 19 Mei 2017 Aantal woorde: 145 136 Kere gelees 2

ek kom weer as dit lente in jou Kaap is
op ‘n dag wat dit sag oor wingerd reën
en ‘n koor van duisende oggendvoëls
jou nuwe dag met môrelied’re seën

wanneer Karoobos ‘n bietjie minder vaal is
en jou Tankwa haar kleureskouspel kry
die wagter sy skape bymekaar maak
en hul weer na stille waters lei –
dan kom ek weer

ek kom t’rug as jou berge weer geboorte gee
aan watervalle en riviere vol in vloei
as jou woestyne veel minder droog en dor is
en aronskelke langs al jou strome bloei

ek sal daar wees as jou brande nie so woed nie
jou vure blus, en jou vlamme ophou skroei
as die hitte van jou stryd nie meer verwoes nie
en jy verstaan – hoe ‘n hart se lamp moet gloei

. . . dán kom ek weer

© C. Shaw
31 Januarie 2017




  • TEMAS
    1 Kommentaar
    1. profiel foto van neels

      neels

      Mei 22, 2017

      Carma jou unieke talent kom weereens pragtig na vore in hierdie werk

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 172
    Kommentaar telling: 695

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    0 Lid, 51 gaste aanlyn