Welkom, Besoeker
Welkom, Besoeker
Taal waarskuwing*

Titel: Wag ‘n bietjie (apologie aan Totius se vers: Die Godsbesluit)

Deur Caren Kearley
Datum gepubliseer: 2 Augustus 2017 Aantal woorde: 91 60 Kere gelees 1

Ek dink jy pas soos wind in my hare
asof iemand steel oor ‘n harp se snare en
klank my holtes met die walms van jou adem
want onder dié sluwe seisoen se sang
babbel almal Babilonies sonder om te bloei, maar
jou woorde wals s-t-a-d-i-g om my wêreld —
eenkant in my koue winter
onder die Blinkblaar-wag-‘n-bietjie se blom
kyk ek op na die Godsbesluit en stop.

Met my hande in my hare
verkyk ek my aan die rose-dorings
binne die lowergroen van sy blare.

© 2017 Caren Kearley
Kopiereg voorbehou




  • TEMAS

    Laat u kommentaar

    GESKRYF DEUR
    profiel foto van Caren Kearley

    Jy moet ingeteken wees om boodskappe aan hierdie skrywer te kan stuur.

    Publikasies: 74
    Kommentaar telling: 5

    Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my man en twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders het ek altyd gesê dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

    Gebruikers Aanlyn

    2 Lede, 79 gaste aanlyn