Welkom, Besoeker
Welkom, Besoeker

Titel: Waar die gompou vlieg

Deur Viooltjie
Datum gepubliseer: 29 Julie 2017 Aantal woorde: 152 41 Kere gelees 1

Op ‘n plaas in die Limpopo
lemoen die boorde vol in vrug.
En naby Pont Drift vlieg ‘n gompou.

O hoe verlang ek nou weer t’rug
na ‘n winter wat nie koud word nie
en die saligheid van son
wat middaglaat so lou laat voel.

Ek sou teruggaan
as ek kon
na daardie plek waar nagte lewe
met bosbokooie oor jou stoep
en ‘n skopsuil in die donkerte.

Ek hoor nog steeds sy roep
(prrrp … prrrp)
na daglig wat deur krone vlam –
om daar te towerwoud
oor stam en tak en dooie blaar.

Die vaal gras tint tot goud
langs groot riviere
waarom koorsbome nog groen.
En oor ‘n droë loop kruis mens en dier
soos hul vir eeue reeds al doen.

*

Ek verbeeld jou weer, Limpopo –
jou arende wat vis kom vang.
Ek sien ‘n gompou vlieg by Pont Drift.

En hoe laat dít
my nou verlang.

© Carma Shaw
29 Julie 2017




  • TEMAS
    3 Kommentaar
    1. profiel foto van Anze

      Anze

      Julie 29, 2017

      Pragtig, baie dankie vir jou bydrae tot die Julie Oop en nuwe projek

    2. profiel foto van Okatopi

      Okatopi

      Julie 30, 2017

      Ek love dit, my wereld daai

    Laat u kommentaar

    GESKRYF DEUR
    profiel foto van Viooltjie

    Jy moet ingeteken wees om boodskappe aan hierdie skrywer te kan stuur.

    Publikasies: 192
    Kommentaar telling: 702

    Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

    Gebruikers Aanlyn

    2 Lede, 40 gaste aanlyn