Welkom, Besoeker
Welkom, Besoeker

Titel: Vrou

Deur Elroux
Datum gepubliseer: 8 April 2017 Aantal woorde: 122 73 Kere gelees 2

ek is in die draai van die lewe se wiel
in die sagte roering van jou siel
in doudruppels wat aan roosblare hang
voor die son dit in goud opvang

ek is kosmos wat groei langs ’n vaal teerpad
jou soeke na ‘n kosbare skat
die water wat skater oor blink klippies in die voor
klinkende klokkies wat jy van vêr kan hoor

ek is in die sonsopkoms oor die see
die wonder van nuwe lewe gee
die môrester se hang aan hemelboë
die liefdeskyk in jou kinders se oë

Ek is in die sagtheid van ‘n donsvlerkduif
Grassade wat in die lentewind wuif
Wolke wat die barre aarde kus
Die moeë reisiger se rus

WANT EK IS JOU VROU




  • TEMAS

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    3 Lede, 24 gaste aanlyn