Welkom, Besoeker
Welkom, Besoeker

Titel: Vreedsaam

Deur Loretta Szikra
Datum gepubliseer: 4 Mei 2017 Aantal woorde: 151 100 Kere gelees 3

As die son in oggend-ritueel
fyn repe deur die nag
se towerkleed kom skeur,
gryp ek na die waarheid
en haar stilte
en die vrede wat sy gee.

Ek sluit my oë
en wens hardop
dat die geraas in my sal gaan
Vir lank genoeg
het dit nes geskrop
en my stilte stom geslaan.

Waar vrede eens geanker was
krioel n duisend vrae nou
Soos maaiers aan n kadawer
vreet dit gate deur die waarheid
waaraan ek vashou..

Soos ek aandagtig luister
na die oggendbries se raad
paai sy strelend ‘wyl sy fluister
om die vrae vry te laat.

Soos sy die kwaad in my verhinder
por sy vrede aan
Die lawaai binne word stiller,
soos dit huiwerig al verder
ń nuwe koers inslaan.

Met helder oë sug ek verlig –
voel hóé ek vrede kry
Met nuwe krag vat ek terug
die stilte en haar waarheid
wat vreedsaam in my bly.




  • TEMAS

    Laat u kommentaar

    GESKRYF DEUR
    profiel foto van Loretta Szikra

    Jy moet ingeteken wees om boodskappe aan hierdie skrywer te kan stuur.

    Publikasies: 38
    Kommentaar telling: 45

    Gebruikers Aanlyn

    3 Lede, 29 gaste aanlyn