Welkom, Besoeker
Welkom, Besoeker

Titel: Vredesveer

Deur Elroux
Datum gepubliseer: 7 April 2017 Aantal woorde: 101 68 Kere gelees 2

die stormwind in jou het opgesteek
ons ou bome ontwortel
alles wat mooi was in my gebreek
die weerlig van jou woede het soos sweepslae geslaan
my vloedwaters het verwyte gebraak
na die storm was dit stil
ons was gestroop
het ver van mekaar gestaan
die wind het sag gewaai
‘n engel het gehuil
oor ons wat eens verkleef was aan mekaar
hy het ‘n vredesveer laat val
jy het jou rug gedraai
ek het die veer opgetel
gekoester teen my hart
jy het stuk-stuk uit my lewe gegly
ek het jou in vergiffenis begrawe
in die wintergraf van vergeet

© Evanthe 2017




  • TEMAS
    1 Kommentaar
    1. profiel foto van Anze

      Anze

      April 7, 2017

      Pragtig, baie dankie vir jou bydrae tot die April se ope afdeling projek

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 137
    Kommentaar telling: 67

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 77 gaste aanlyn