Welkom, Besoeker
Welkom, Besoeker

Titel: gevlerkte gees

Deur Elroux
Datum gepubliseer: 11 Mei 2017 Aantal woorde: 121 93 Kere gelees 2

O Heer gee ons ‘n duif
‘n gevlerkte gees
wat ons land kan deurkruis
nie onreg en seer te rapporteer
maar gulsige bekke te sluit
gierige kloue te keer
‘n duif met ‘n olyftak
‘n gevlerkte gees
wat ons een lied saam laat sing
wat gaan sit op elke huis se dak
wat ware vrede bring
“Kind, het jy nie geweet?”
daar is so ‘n duif
My Gees wat herlewing bring

herlewing wat by jou begin
gryp die oomblik aan
delf diep in jou eie wese
maak vrede met ander, met jouself
wees dan ‘n vredesduif
wat volgens Godsbesluit
die aarde wyd met Sy vredesboodskap bestuif
dan sal jy vrede vind en rus
in die groot Ek Is

 

 

 




  • TEMAS
    2 Kommentaar
    1. profiel foto van Inkmoderator

      Inkmoderator

      Mei 10, 2017

      Elroux, ek krap so bietjie aan hierdie vers, met voorstelle vir jou oorweging:

      O Heer gee ons ‘n duif
      -so ‘n gevlerkte gees- [voeg so iets dergliks is: dit laat die leser herbesin]
      wat ons land kan deurkruis
      nie onreg en seer te rapporteer [om, kan funksioneel verwyder word]
      maar om gulsige drake se bekke te sluit [oorweeg ‘n sinoniem vir drake]
      grypende kloue te keer
      ‘n duif met ‘n olyftak
      -so ‘n gevlerkte gees- [herhaal hier wat jy in lyn 2 sou skryf]
      wat ons een lied saam laat sing
      wat gaan sit op elke huis se dak
      wat ware vrede bring
      “Kind, het jy nie geweet? [In dialoog: begin met hoofletter]
      daar is so ‘n duif
      -so ‘n gevlerkte gees- [herhaling hier laat die vers mooi bind]
      of het jy dalk vergeet?”
      Sy naam is herlewing wat by jou begin
      gryp die oomblik nou aan
      om diep in jou wese te delf
      maak vrede met ander en met jouself
      wees dan self ‘n vredesduif
      -só ‘n gevlerkte gees- [hier gebruik jy ‘n akute beklemtoning as verwysing: só]
      wat volgens ‘n Godsbesluit [as jy verwys na die Skepper; Godsbesluit dus hoofl.]
      die aarde wyd met Sy vredesboodskap kan bestuif
      dan sal jy vrede vind en rus
      in die groot Ek Is

      Sommige van die sinne kan effe lomp lees omdat dit uitverhouding langer as van die ander is. Ek het egter die gedig harop gelees, met die ernaderinge en dit pla nie regtig die ritme nie.
      Kyk gerus na my voorstelle en vra (sommer in die inboksie) indien daar enige navrae is.
      Skryfgroete
      IM

      • profiel foto van Elroux

        Elroux

        Mei 11, 2017

        So baie dankie ek gaan die voorgestelde veranderinge aanbring ek waardeer jou kommentaar so baie dit verdiep definitief die gedig en ek leer so baie.

    Laat u kommentaar

    GESKRYF DEUR
    profiel foto van Elroux

    Jy moet ingeteken wees om boodskappe aan hierdie skrywer te kan stuur.

    Publikasies: 131
    Kommentaar telling: 68

    'n Pretorianer van geboorte tot nou. Ek was 'n navorser en het die lewe van alle kante gesien en beleef. Ek is geseën met vier lieflike kinders en 'n wonderlike man. Op 68 jaar is ek in my herfstyd waar ek elke dag binne die genade van die Here leef. Om te dig gee betekenis aan my lewe en ek hoop dat my skrywes iets vir ander mense kan beteken.

    Gebruikers Aanlyn

    1 Lid, 75 gaste aanlyn